Wëllkomm bei  der Eecher Musek,

 

Mir invitéieren Iech ganz häerzlech op onse Fréijoersconcert, deen e Samschdeg, 20. Abrëll 2024 zu Dummeldeng am Drescherhaus gespillt gëtt. De Motto dëst Joer ass „NOSTALGIE“.

D’Musikantinnen an d’Musikanten presentéieren Iech e schéine Bouquet vu bekannten a manner bekannte Melodien vu Klassik bis Rock a Pop.

Den Ufank ass ëm 20.00 Auer an d’Entrée ass fräi.

D’Direktioun huet de Pierre Schyns.

Duerch de musikalesche Programm féieren Iech  d’Antoinette Neyer-Koenig an d’Rachel Mohr.

Et géif eis freeën wa mer Iech bei eis begréisse kéinten.

 

D’Eecher Musek sicht an alle Regësteren Musikantinnen a Musikanten, a wann Dir gewëllt sidd fir bei eis matzespillen, oder fir all weider Informatiounen kënnt der Iech gären un de Jean Dell “admin@eecher-musek.lu” wenden.

Eis Prouwen sinn all Mëttwoch vun 20.00 – 21.30 Auer um éischte Stack vum Kulturzenter zu Eech, 3, rue Auguste Laval.

Mir sichen och Memberen fir an de Comité. Och hei kënn der Iech beim Sekretär Jean Dell iwwer admin@eecher-musek.lu mellen.

Mir sinn eng bont gemëschten Equipe mat Musikantinnen a Musikanten aus ville Natiounen. Bei eis ass jidderee wëllkomm a mir freeën eis fir mat Iech zesummen déi schéi Konscht vun der Blosmusek Musek an der aler Gemeng Eech an doriwwer eraus spillen ze kënnen.

Vun 2020 bis 2022 huet d’Eecher Musek hiert 100 järlecht Bestoen gefeiert. Zu dësem Ulass ass e Buch eraus komm, wat d’Geschicht vun der aler Gemeng Eech a vun der Eecher Musek mat flotten Texter a Biller dokumentéiert.

Wann Dir un esou engem Buch interesséiert sidd kënn der eng Iwwerweisung op de Kont bei der Post Lëtzebuerg CCPL – LU72 1111 0056 2701 0000 mam Vermierk „100 Joer Eecher Musek“ maachen. Mir bréngen Iech Äert Buch dann heem.

De Präis vum Buch ass 50,00 €.

Frëndlech a musikalesch Gréiss,

bleift gesond a villäicht bis geschwënn,

Francis Neyer

Secrétaire

 

Local site
Music School
Calendar
Plakat_concert_2024
Cover
Fändelen Revue musicale